Hoe kan 'n geskape wese altyd saam met die Vader bestaan soos die Bybel beskryf dat Jesus die "eersgeborene" van die skepping is?

---

Die teks ter bespreking is Kol. 1:15 “Hy is die Beeld van die onsienlike God, die Eersgeborene van die hele skepping;” Dit beskryf Jesus as die eersgeborene van die hele skepping. Die Griekse (oorspronklike taal) vertaling vir hierdie woord is “Proto tokos” en dit beteken “die ewige een” - die een wat al die voorregte en prerogatiewe van God besit. Jesus is die eersgeborene in die sin van “voorreg”, nie van tyd nie. Al die voorregte van die eersgeborene behoort aan Hom. As n goeie voorbeeld: Dawid was die agste seun van Jesse, maar word die eersgeborene genoem. Jesus verklaar dat Hy die "Ek Is" is in Johannes 5:58, en dit beteken die Ewige een. Hy sê, “voor Abraham was, Is Ek." Jesaja die profeet noem Hom Ewige Vader (Jes. 9:6). Miga verklaar dat Sy oorsprong van ewigheid af was (Miga 5:2). Johannes bevestig, "In die begin was die woord en die woord was by God en die woord was God." (Johannes 1:1). Jesus besit die voorregte en prerogatiewe van God. Hy het dit nie belangrik geag om aan God gelyk te wees terwyl die wêreld verlore was nie, daarom verlaat Hy vrywillig die hemel en word mens, woon onder ons in menslike vlees, veg teen versoekinge soos ons daarteen veg en oorwin hulle namens ons (Filippense 2:5-11; Hebreërs 2:14, 17.)