Moet ons mense haat van ander kleur? Gaan hulle ook hemel toe? Staan dit in die Bybel?

---

Ek sal graag saam met jou in die Woord van God gaan kyk na die antwoorde op hierdie belangrike vrae. Die antwoord is beslis nee! Ons moet geen mens van enige ras of kultuur haat nie. Die Bybel is baie duidelik dat mense van alle rasse gered sal wees, inteendeel dit word mooi uitgespel - elke volk, elke nasie, elke stam en elke taal Kom ons gaan kyk hoe die Woord dit vir ons uitspel:- Openbaring 5:9 Toe sing hulle 'n nuwe lied en sê: U is waardig om die boek te neem en sy seëls oop te maak, want U is geslag en het ons vir God met u bloed gekoop uit elke stam en taal en volk en nasie Openbaring 7:9 NÁ hierdie dinge het ek gesien, en kyk, daar was 'n groot menigte wat niemand kon tel nie, uit alle nasies en stamme en volke en tale; hulle het gestaan voor die troon en voor die Lam, bekleed met wit klere en met palmtakke in hulle hande; Nou hoe sal ons op die nuwe aarde met hulle oor die weg kan kom as ons nou haat het? Meer nog hoe gaan Jesus ons kan toelaat in die hemel as ons haat in ons harte het. Daar sal geen sonde, dood, siekte of trane meer wees nie. En as ek haat koesters laat ek my mos oop om weer n rebellie en hartseer en ongelukkigheid in die hemel te veroorsaak. God sal en kan nooit weer enige so iets toelaat nie. Dis n lekker studie om te doen. Slegs die Bybel kan vir ons hierdie antwoorde gee en ons moet nerens anders daarna gaan soek nie.