In Openbaring 1:4 word gepraat van die sewe geeste. Ek vind dit verwarrend. Is daar nie net 1 Heilige Gees nie?

---

Openbaring is 'n profetiese boek en moet as sulks geïnterpreteer word. Een van die basiese reels vir profetiese uitleg is konsekwentheid. Met ander woorde wanneer Openbaring as profetiese boek gesien word en dat dit simbole bevat wat in die lig van die Skrif geïnterpreteer moet word, dan moet dit konsekwent toegepas word. Die sewe geeste is dus ook simbool en moet dan in die lig van dit wat die Skrif leer uitgelê word. Sewe is in die Bybel 'n getal wat volheid simboliseer. Dus wanneer Openbaring van die sewe geeste praat dan verwys dit na die Heilige Gees wat teenwoordig is in Sy volheid.